Sést lítið til sólar í vikunni
Veðurhorfur vikunnar
Það er ekki útlit fyrir margar sólskinsstundir í vikunni ef marka má veðurspár. Næsta sólarhring á suðvesturhorninu er gert ráð fyrir hægviðri, rigningu með köflum eða skúrum. Hiti verður 9 til 16 stig. Hér að neðan má svo sjá veðurhorfur út vikuna á landinu öllu.
Á miðvikudag og fimmtudag:
Suðvestlæg eða breytileg átt, 3-10 m/s og skúrir í flestum landshlutum. Hiti 10 til 17 stig, hlýjast A-lands.
Á föstudag:
Suðaustlæg átt og víða rigning, en þurrt NA-til. Hiti 13 til 18 stig.
Á laugardag, sunnudag og mánudag:
Austlægar áttir, lengst af úrkomulítið og hlýnandi veður.
