Sérsveitarmenn gæta flugfarþega

Í ljósi alvarlegra atburða á alþjóðaflugvellinum og víðar í Brüssel í vikunni, svo og hryðjuverka víðar í álfunni undanfarin misseri, hefur lögreglustjórinn á Suðurnesjum ákveðið að auka viðbúnað lögreglu í og við Flugstöð Leifs Eiríkssonar, með sérstakri aðstoð sérsveitar ríkislögreglustjóra.

Nú, þriðja daginn í röð, eru vopnaðir sérsveitarmenn í bæði brottfarar- og komusal Flugstöðvar Leifs Eiríkssonar til að gæta öryggis flugfarþega. Myndin var tekin nú um miðjan dag í brottfararsalnum.