Sendibíll frá Sögun sagaður í sundur?

Ljósmyndari Víkurfrétta ók fram á þennan bíl frá Sögun ehf. nú síðdegis. Það vakti athygli okkar manns að bíllinn hafði verið tekinn í sundur í miðju og að afturhlutann vantaði.

Hvort að skýringin liggi í því að einhver hafi sett steinsögina í gang, svona óvart, þannig að bíllinn hafi farið í sundur skal ósagt látið.

Fyrirtækið auglýsti í Víkurfréttum eftir starfskrafti í síðustu viku, sem varð að geta unnið sjálfstætt. Hvort nýr starfsmaður hafi eitthvað verið að fikta við sögina verður að koma í ljós.

Afturhluti bílsins var hverrgi sjáanlegur.

VF-mynd: JBO