Sem betur fer fáir á ferli

Fáir eru á ferli í óveðrinu sem nú gengur yfir Reykjanesskagann. Örfáir bílar eru á ferðinni í Reykjanesbæ, enda vart ferðaveður. Björgunarsveitarmenn sem Víkurfréttir ræddu við sögðu að sem betur fer hafi fólk farið að tilmælum og ekki verið á ferðinni að nauðsynjalausu.

Björgunarsveitir hafa haft í nógu að snúast en engin alvarleg útköll hafa þó komið, fyrir utan útkall við Keflavíkurhöfn þar sem tveimur mönnum var bjargað úr bíl sem lent hafði í sjávarlóni við gömlu saltgeymsluna við höfnina.