Seinkun vegna veðurs hjá Iceland Express

Brottför véla Iceland Express til London og Kaupmannahafnar í fyrramálið, föstudaginn 11. febrúar, hefur verið seinkað um klukkustund vegna spár um ofsaveður á Suðurnesjum. Vélarnar áttu báðar að fara klukkan 07:00, en fara þess í stað klukkan 08:00. Þessar seinkanir eru líklegar til þess að hafa áhrif á komutíma vélanna síðdegis.

Farþegar eru hvattir til að fylgjast með upplýsingum um komu- og brottfarartíma á Keflavíkurflugvelli.