Sautján nemendur af Suðurnesjum útskrifast frá Háskólanum á Akureyri

Sautján nemendur sem stunda fjarnám við Háskólann á Akureyri verða útskrifaðir við hátíðlega athöfn í Keflavíkurkirkju á 17. júní. Er þetta í fyrsta sinn sem nemendur eru útskrifaðir af háskólastigi á Suðurnesjum. Nemendurnir hafa stundað fjarnámið í gegnum fjarfundabúnað sem staðsettur er í miðstöð símenntunar, en nemendurnir hafa námsaðstöðu hjá MSS. Níu nemendur útskrifast úr hjúkrunarfræði og 8 úr rekstrar- og viðskiptafræði.
Kaffisamsæti verður í Kirkjulundi eftir útskriftina í boði Sambands sveitarfélaga á Suðurnesjum. Útskriftin hefst klukkan 10:30.