Sara þarf ekki stera til að ná langt

Suðurnesjamagasín er vikulegur þáttur Víkurfrétta þar sem fjallað er um menningu, mannlíf og atvinnulífið á Suðurnesjum. Í þessari viku beinum við sjónum okkar að einni af okkar sterkustu íþróttakonum, Ragnheiði Söru Sigmundsdóttur. Hún er í fremstu röð í heiminum í Crossfit. Ítarlegt viðtal við hana er í þættinum annað kvöld, fimmtudagskvöld.

 

Þá tökum við hús á Fjölsmiðjunni í Reykjanesbæ. Þar er meðal annars stærsti nytjamarkaður Suðurnesja og unnið gott starf með ungu fólki við að koma því á beinu brautina.

 

Í þætti vikunnar eru einnig helstu tíðindi frá Suðurnesjum og við sláumst í för með tónlistarmanninum Jóni Jónssyni í Fjölbrautaskóla Suðurnesja.

 

Suðurnesjamagasín er á dagskrá Hringbrautar á fimmtudagskvöldum kl. 20 og aftur kl. 22.  Þátturinn er einnig sýndur á vf.is.