Sandgerðingurinn áfram sveitarstjóri á Tálknafirði

Ólafur Þór Ólafsson hefur verið endurráðinn sem sveitarstjóri Tálknafjarðarhrepps. Á 593. fundi sveitarstjórnar Tálknafjarðarhrepps sem fór fram fimmtudaginn 23. júní s.l. var samþykkt samhljóða að ráða Ólaf Þór Ólafsson áfram sem sveitarstjóra og gildir ráðningin út kjörtímabilið 2022-2026.

 Ólafur Þór tók við starfi sveitarstjóra hjá Tálknafjarðarhreppi vorið 2020 og mun halda áfram að sinna embættinu næstu ár. Hann hefur víðtæka og langa reynslu af sveitastjórnarstiginu bæði sem kjörinn fulltrúi og embættismaður auk þess að hafa starfað sem tónlistarmaður og kennari.