Sandgerðingar vilja ræða atvinnuuppbyggingu

Bæjarráð Sandgerðisbæjar leggur til umræðu um atvinnuuppbyggingu á Suðurnesjum sem umræðuefni á árlegum vetrarfundi Sambands sveitarfélaga á Suðurnesjum sem fram fer í mars næstkomandi.

Samband sveitarfélaga á Suðurnesjum hefur óskað eftir tillögum bæjarstjórna að fundarefni fyrir vetrarfund sambandsins.

Bæjarráð Sandgerðis ræddi hugmyndir að dagskrá vetrarfundar og komu eftirfarandi hugmyndir fram um kynningu á atvinnuuppbyggingu á svæðinu:

a) Svæðisskipulag (sameiginleg uppbygging atvinnusvæða)

b) Svartsengi (auðlindagarður)

c) ISAVIA (flugvallarsvæði, Þróunarfélag Keflavíkurflugvallar)

d) Ferðaþjónusta

e) Sjávarútvegur (nýjungar)