Samstarf við Hafnfirðinga

Áhugi hefur kviknað á samstarfi á milli atvinnu- og ferðamálanefndar Grindavíkurbæjar og menningar- og ferðamálanefndar Hafnarfjarðarbæjar. Bæjarfélögin eiga ýmislegt sameiginlegt í ferðaþjónustu.
Stefnt er að því að að nefndirnar hittist til skrafs og ráðagerða eftir áramót, samkvæmt því sem fram kom á síðasta fundi Atvinnu- og ferðamálanefndar Grindavíkur.

Þá hefur nefndin hug á að leita samstarfs við háskóla til að láta kanna ýmsar hliðar atvinnuppbyggingar og áhrif Suðurstrandavegar. Meðal þeirra spurninga sem brenna á nefndinni er hvaða eftirspurn sé eftir þjónustu í Grindavík miðað við þá atvinnuuppbyggingu sem framundan sé. Þá vill nefndin kanna hvaða áhrif fullkláraður Suðurstrandavegur hefur á ferðaþjónustu, umferð, íþróttamannvirki, atvinnuuppbyggingu og fleira. Einnig brennur sú spurning á nefndinni hvað þurfi til þess að fá skemmtiferðaskip til að hafa viðkomu í Grindavík.
---

Ljósmynd/Oddgeir Karlsson - Grindavík.