Samningur um þrettándabrennu undirritaður

Í morgun var undirritaður samningur á milli Reykjanesbæjar og Björgunarsveitarinnar Suðurnes um framkvæmd þrettándabrennu að Iðavöllum ásamt flugeldasýningu.Ellert Eiríksson bæjarstjóri undirritaði samninginn fyrir hönd Reykjanesbæjar og Ragnar Sigurðsson formaður BS fyrir hönd Björgunarsveitarinnar Suðurnes.
Eftirlitsaðili með samningnum er Íþrótta-og tómstundaskrifstofa Reykjanesbæjar.

BS mun sjá um allan nauðsynlegan undirbúning, framkvæmd og hreinsun svæðis vegna þrettándabrennu. Afla leyfa, safna í brennu, gæslu og flugeldasýningu. BS útvegar bifreið í göngu og sér um alla gæslu.

Björgunarsveitin fær greitt kr. 950.000 árlega, en samningurinn er ótímabundinn, en verðbundinn og miðast við vísitölu byggingarkostnaðar.

Engin brenna verður um áramótin í Innri- Njarðvík eins og verið hefur á vegum Reykjanesbæjar.