Samkeppni um fjölskylduvænasta fyrirtæki Reykjanesbæjar

Í fjölskyldustefnu Reykjanesbæjar er ákvæði um að verðlauna fjölskylduvæn fyrirtæki/stofnanir í Reykjanesbæ.  Annars vegar fyrirtækitæki eða stofnun rekið af Reykjanesbæ og hins vegar fyrirtæki í einkarekstri staðsett í Reykjanesbæ.

Fyrirtæki og stofnanir hafa verið hvött til að setja sér fjölskyldustefnu og nú kemur í ljós hverjir hafa gert það og hvort þeirri stefnu sé framfylgt.

Óskað er eftir tilnefningum frá starfsmönnum þar sem þeir færa rök fyrir hvernig þeirra fyrirtæki tekur tillit til fjölskyldunnar í rekstri sínum.

Dómnefnd mun fara yfir tilnefningar og velja fjölskylduvænasta fyrirtæki/stofnun Reykjanesbæjar  og fjölskylduvænasta fyrirtækið í Reykjanesbæ.

Viðurkenningar verða veittar í tengslum við Ljósanótt 2004.  

Tilnefningar berist fyrir 30. júní 2004 til Fjölskyldu- og félagsþjónustu Reykjanesbæjar, Kjarna, Hafnargötu 57, 230 Reykjanesbæ, merktar FJÖLSKYLDUVÆNT FYRIRTÆKI