Samið við ÍAV án útboðs í Sandgerði

Bæjarráð Sandgerðisbæjar hefur falið bæjarstjóra að ganga til samninga við Íslenska Aðalverktaka um að hefja framkvæmdir við Bogabraut í Sandgerði á grundvelli tilboðstalna sem eru í samræmi við tilboð í Stafnesveg. Verklok verði fyrir 1. sepember. Framkvæmdir við Bogabraut voru ekki boðnar út.Sem kunnugt er sáu Íslenskir Aðalverktakar um gagngerar endurbætur á Stafnesvegi og er þeim framkvæmdum nýlega lokið. Malbikun og gangstéttir verða ekki í samningi þessum. Bæjarráð samþykkir með tveimur atkvæðum að ganga til samninga við ÍAV á grundvelli ofanritaðs en Heiðar Ásgeirsson var á móti að ráðist verði í framkvæmdina án útboðs.