Sameiningarmál: nefnd stofnuð í Sandgerði til að skoða málin

Nefnd sem mun fjalla um kosti og galla þess fyrir Sandgerðisbæ að sameinast öðrum sveitarfélögum á Suðurnesjum hefur verið sett á laggirnar. Á fundi bæjarstjórnar Sandgerðisbæjar í gærkvöldi voru Reynir Sveinsson og Ingþór Karlsson tilnefndir fyrir meirihluta bæjarstjórnar og frá minnihluta sitja Heiðar Ásgeirsson og Ólafur Þór Ólafsson. Sigurður Valur Ásbjarnarson bæjarstjóri verður starfsmaður nefndarinnar.
Meirihluti bæjarstjórnar Sandgerðisbæjar flutti tillögu um stofnun nefndarinnar í kjölfar skýringa Róberts Ragnarssonar starfsmanns Félagsmálaráðuneytisins sem fram komu á aðalfundi Sambands sveitarfélaga á Suðurnesjum um helgina.

Mynd: Frá Lækjamótum, nýju hverfi í Sandgerði. VF-myndasafn.