Safnakennsla á Byggðasafninu á Garðskaga

Nemendur 4. og 5. bekkjar Gerðaskóla ásamt kennurum komu á Byggðasafnið á Garðskaga í vikunni og gerðu safnkennsluverkefni um jólin fyrr á tímum. Nemendur voru mjög áhugasamir um efnið og höfðu greinilega mikla ánægju af þessari skemmtilegu og fróðlegu tilbreytingu í náminu. Von er á framhaldi á þessu í næstu viku.

Á meðfylgjandi mynd er Kristjana Kjartansdóttir, kennari ásamt krökkunum á Byggðasafninu.