Sæljós dregið vélarvana til hafnar

Sæljós GK 2 var dregið til hafnar í Sandgerði í gærkvöldi eftir að báturinn var sóttur vélarvana nokkrar sjómílur út frá Sandgerði. Það var björgunarskipið Hannes Þ. Hafstein sem sótti Sæljós.

Þegar komið var í innsiglinguna til Sandgerðis kom björgunarbáturinn Gunnjón frá Björgunarsveitinni Ægi í Garði til aðstoðar, en veður var þannig í gær að aðstoð Gunnjóns var nauðsynleg.

Þegar björgunarskipið var komið með Sæljós í höfn hrökk vélin í gang og lagði báturinn því sjálfur að bryggju.

Meðfylgjandi myndir tók Hilmar Bragi við Sandgerðishöfn í gærkvöldi.