Sækja um aðild að Cruise Iceland

Stjórn Reykjaneshafnar hefur samþykkt að fela hafnarstjóra að sækja um aðild að Cruise Iceland, sem eru regnhlífarsamtök íslenskra hafna sem taka á móti skemmtilferðaskipum af öllum stærðum. Í dag eru um 20 hafnir aðilar að Cruise Iceland.

 

Hafnarstjóri lagði fram og fór yfir markmið og samþykktir Cruise Iceland ásamt þeim ávinning sem felst að taka þátt í þeim samtökum. Lagt er til að Reykjaneshöfn sæki um aðild að samtökunum Cruise Iceland. Samþykkt var samhljóða að sækja um og hafnarstjóra falið að fylgja málinu eftir.