Rútuferðir á bikarúrslitaleikinn
Hægt að nálgast miða hjá K. Steinarssyni
Rútufyrirtækið Kexpress ætlar sér að sjá stuðningsmönnum Keflavíkur fyrir fari í Laugardalinn á úrslitaleik bikarkeppni KSÍ á laugardag, en þá mætast Keflvíkingar og KR-ingar eins og kunnugt er. Kexpress ætlar að selja rútumiðana á völlinn samhliða forsölu miða á leikinn hjá K. Steinarssyni að Holtsgötu 52.
Brottför er frá Íþróttahúsinu við Sunnubraut á laugardaginn klukkan 12:30. Rútan stoppar á Ölveri á leið sinni í Laugardalinn en þar munu þeir allra hörðustu hita upp fyrir leikinn. Verð í rútu er 2000 krónur fyrir báðar leiðir
