Rúta með 35 manns föst við Kleifarvatn
– veður er afar vont á svæðinu
Björgunarsveitir frá Grindavík og Hafnarfirði eru nú á leið að Kleifarvatni þar sem rúta, með 35 farþegum, situr föst rétt við Syðri-Stapa. Rann hún til í slabbi með fyrrgreindum afleiðingum.
Engin hætta er talin á ferðum en þar sem veður er afar vont á svæðinu var ákveðið að kalla til björgunarsveitir til að færa fólkið yfir í annan bíl sem rútufyrirtækið hefur sent á staðinn. Sá kemst ekki nægilega nálægt fólkinu til að það geti með góðu móti gengið á milli bíla.
