Rústuðu bíl við Grindavík
Skemmdarvargar stórskemmdu bíl sem skilinn hafði verið eftir utan vegar skammt frá Grindavík upp úr miðnætti í gær. Ökumaður bílsins hafði misst hann út af veginum og hélt fótgangandi til Grindavíkur til að sækja aðstoð. Þegar hann kom til baka var búið að brjóta allar rúður úr bílnum, rífa geislaspilara út úr mælaborðinu og vinna fleiri spellvirki. Tjónið nemur hundruðum þúsunda króna og eru spellvirkjarnir ófundnir.
www.visir.is greinir frá þesssu.
