Rúðubrot á skemmtistað í nótt

Tilkynnt voru tvö rúðubrot í nótt, bæði á sama skemmtistað við Hafnargötuna. Lögregla segir vitað um gerendur í bæði skiptin.

Þá gistu tveir aðilar fangageymslur lögreglunnar. Annar vegna ölvunaraksturs og hinn vegna óspekta á almannafæri.

Að lokum má geta þess að þrír voru kærðir fyrir hraðakstur í gær, tveir á Reykjanesbraut og einn á Grindavíkurvegi. Sá sem hraðast ók mældist á 134 km. hraða þar sem leyfður hámarkshraði er 90 km.