Rólegt í Grindavíkurhöfn

Samtals 990 tonn af fiski bárust á land í Grindavík frá 22. apríl til 12. maí.
Þeir bátar sem ekki voru bundnir við bryggju vegna sjómannaverkfalls fengu góðan afla, sérstaklega þeir sem veiða í net. Ekki gekk vel hjá þeim sem veiða á línu. Undanfarinn mánuð hefur verið rólegt við höfnina í Grindavík eins og öðrum höfnum landsins sökum sjómannaverkfalls. Sverrir Vilbergsson, hafnarstjóri vonaðist til þess að það myndi breytast á næstunni.