Rólegt hjá lögreglu á Sjómannadaginn

Einn ökumaður var kærður fyrir að aka á 71 km hraða á Garðskagavegi þar sem hámarkshraði er 50 km.

Eigendur tveggja bifreiða voru boðaðir með bifreiðar sínar til skoðunar vegna vanrækslu á þeim gjörningi.

Skráningarnúmer voru tekin af tveimur bifreiðum vegna vanrækslu á greiðslu trygginga.

Næturvaktin var frekar róleg en eitthvað var um umferðarlagabrot eins og gengur og gerist. Má þar nefna þrjár hraðaksturskærur á Reykjanesbraut.