Róleg jól
Að sögn Sigmundar Eyþórssonar, slökkviliðsstjóra Brunavarna Suðurnesja voru jólin hin rólegustu um árabil. Farið var í 22 sjúkraflutninga, allt minniháttar tilvik. Flestir flutningar voru á milli stofnana og í heimahús með sjúklinga vegna hátíðarhalda. Þrjú útköll voru vegna bruna, þar af einn staðfestur eldur. Kveiknað hafði í jólaskreytingu en tjón reyndist minniháttar.
