Ritur ÍS-22 á þurrt í kvöld

Þilfarsbáturinn Ritur ÍS-22 verður hífður á land um kvöldmatarleytið í kvöld. Ritur sökk við flotbryggjuna í Sandgerðishöfn í gær en björgungarbáturinn Hannes Þ. Hafstein var fenginn til þess að færa Ritur að hafnargarðinum.

 

Í dag var Ritur færður að norðurbryggju Sandgerðishafnar þar sem hann verður hífður upp í kvöld. Verður Ritur hífður á land og eiganda hans að öllum líkindum gert að láta flytja bátinn í burtu.