Risastór áramótabrenna í smíðum í Garði

Nú er verið að hlaða áramótabrennuna í Garði. Brennan er í umsjón Björgunarsveitarinnar Ægis og verður mjög vegleg í ár. Aðeins er tekið á móti timbri á brennuna.

Á myndinni má sjá þar sem verið er að hlaða upp gömlum eða ónothæfum vörubrettum en þau eru vinsælt brennufóður. Umtalsvert brennuefni á eftir að koma til viðbótar og verður brennan í Garði án efa lang stærsta brennan á Suðurnesjum og þó víðar væri leitað þetta árið.

VF-mynd: Hilmar Bragi