RÍKIÐ OPNAR Í GRINDAVÍK - Í LOK NÓVEMER
Áfengis- og tóbaksverslun ríkisins ætlar að opna nýja verslun í Grindavík í lok nóvember. Verslunin verður staðsett í sama húsi og bókabúðin er nú. ÁTVR hefur einnig gert samstarfssamning við bókabúðina sem felur í sér að starfsmenn hennar munu sjá um afgreiðslu í áfengisversluninni, vörumóttöku o.fl. Ekki er enn búið að ráða verslunarstjóra. Takmarkað vöruúrval Vöruúrval í Grindavík verður ekki eins mikið eins og í Keflavík, en allar söluhæstu tegundirnar verða til sölu. Auk þess verður smá heimakvóti þar sem reynt verður að uppfylla sérstakar óskir heimamanna. „Ég á von á að þetta gangi vel, því þetta er markaður sem við þekkjum”, sagði Þór Oddgeirsson aðstoðarforstjóri ÁTVR.
