Rigning síðdegis á morgun

Á hádegi var austlæg átt, víða 5-10 m/s og dálítil rigning eða þokusúld, bjart á Suður- og Vesturlandi. Svalast var 3ja stiga hiti á annesjum norðaustan til, en hlýjast 12 stig suðvestanlands.

Yfirlit: Um 400 km suðsuðaustur af Hornafirði er 985 mb lægð, sem mjakast norður og grynnist, en við Svalbarða er 1031s mb hæð. Langt suðvestur í hafi er vaxandi 988 mb lægð, sem þokast norður á bóginn.
Veðurhorfur á landinu til kl. 18 á morgun: Austlæg átt, víða 8-13 m/s og rigning eða súld, en bjartviðri suðvestanlands. Hægari með kvöldinu, en gengur í austan 10-15 með rigningu sunnan til eftir hádegi á morgun. Hiti víða 6 til 12 stig að deginum.

Veðurhorfur við Faxaflóa til kl. 18 á morgun: Norðaustan 3-8 m/s og bjartviðri, en gengur í austan 8-13 með rigningu síðdegis á morgun. Hiti 7 til 13 stig.