Rigning í dag

Klukkan 6 var austlæg átt, víða 8-13 m/s og rigning eða skúrir, en skýjað og þurrt á Norður- og Austurlandi. Svalast var 3ja stiga hiti í Ásbyrgi, en hlýjast 11 stig á Skarðsfjöruvita.

Austlæg átt, víða 8-13 m/s, en norðaustan 13-18 á Vestfjörðum er líður á morguninn. Lægir heldur á sunnan- og austanverðu landinu í kvöld og nótt. Víða dálítil rigning eða skúrir, en hálfskýjað og úrkomulítið á Norðurlandi. Norðan 10-15 og dálítil rigning úti við vesturströndina á morgun, en annars austlæg átt, 3-8 og stöku skúrir. Hiti 8 til 13 stig að deginum.