Rigning í dag

Í morgun var suðlæg átt, 5-10 m/s. Skýjað en þurrt að kalla vestanlands, rigning á Suður- og Suðausturlandi og norður í Húnaþing, en skýjað með köflum austanlands. Svalast var 6 stiga hiti víða austanlands, en hlýjast 14 stig á Húsavík.

Milli Íslands og Grænlands er 1005 mb lægð, sem þokast NA. Yfir Skotlandi er 1023 mb hæð sem þokast SA.

 

Veðurhorfur á landinu
Veðurhorfur til kl. 18 á morgun: Sunnan 5-10 m/s og rigning eða súld á Suður- og Suðausturlandi og smávæta fyrir norðan og austan fram undir hádegi. Annars suðvestan 3-8 og smásúld með köflum sunnan- og vestanlands. Léttir til fyrir austan upp úr hádegi en stöku skúrir á Norðurlandi. Suðvestanátt á morgun, þokuloft sunnan- og vestanlands en bjart fyrir norðan- og austan. Hiti 10 til 18 stig að deginum, hlýjast í innsveitum austanlands.