Rigning eða súld sunnanlands

Klukkan 06.00 í morgun var austlæg átt, 10-15 m/s og dálítil rigning allra syðst, en annars mun hægari og skýjað með köflum. Hiti var 9 til 14 stig.

Veðurhorfur á landinu til kl. 18 á morgun:
Austlæg átt, 8-13 m/s og dálítil rigning eða súld sunnanlands. Hægara og víða bjart norðanlands, en hvessir og fer að rigna síðdegis. Lægir heldur og styttir upp í kvöld og nótt, fyrst sunnnan til. Suðaustan 8-13 og rigning með köflum suðvestanlands á morgun, en annars 3-8 og bjart. Hiti 12 til 20 stig að deginum, hlýjast norðanlands.