Rigning eða skúrir í dag

Klukkan 6 voru austan 8-12 m/s með suðurströndinni, en annars hægari austlæg eða breytileg átt. Rigning var víða á Suðurlandi, léttskýjað norðanlands og á Vestfjörðum, en annars skýjað með köflum og þurrt. Hiti var 5 til 14 stig, kaldast á Reykjum í Fnjóskadal, en hlýjast á Kjalarnesi.

Veðurhorfur á landinu til kl. 18 á morgun:
Austlæg átt, 8-13 m/s og skúrir eða rigning sunnantil á landinu, annars hægari og skýjað með köflum eða bjartviðri. Fremur hæg austlæg átt á morgun og yfirleitt bjartviðri, en dálítil þokusúld um landið suðvestan- og vestanvert fyrri part dags. Hiti 13 til 20 stig, hlýjast norðanlands, en heldur hlýrra á morgun.