Rigning, él og svo snjókoma

Í morgun kl. 6 var NA 13-18 og snjókoma norðvestanlands en annars suðlæg átt, víða 10-15 m/s og rigning á Austfjörðum en skúrir SV lands. Hiti var 3 til 6 stig víða um sunnan- og austanvert landið, hlýjast 8 stig á Kollaleiru í Reyðarfirði en vægt frost var norðvestantil.


Viðvörun! Búist er við stormi á öllum miðum nema Suðvesturmiðum og á öllum djúpum nema V-djúpi og SV djúpi.


Yfirlit: Yfir Faxaflóa er kröpp 954 mb djúp lægð á leið norðaustur.


Veðurhorfur á landinu
Veðurhorfur til kl. 18 á morgun: Sunnan 13-20 og rigning um landið austanvert en N 15-20 og slydda eða snjókoma norðvestantil í fyrstu. Um hádegi verður N átt víða á landinu, hvöss með snjókomu norðvestantil en hægari annars staðar og úrkomuminna. Minnkandi NV átt þegar líður á daginn en talsverður éljagangur um tíma á Norðurlandi. Snýst í kvöld í SV 8-13 með éljum vestanlands en styttir upp á austanverðu landinu í bili. Á morgun verður aftur sunnan strekkingur og rigning austanlands en vestlægari með éljum vestantil. Hlýtt austanlands í fyrstu en frystir um allt land síðdegis. Hlýnar síðan aftur austanlands á morgun.


Veðurhorfur við Faxaflóa næsta sólarhringinn:
Snýst í vaxandi NV átt, 13-18 m/s með rigningu en síðar éljum. V og NV 8-13 í kvöld en síðan S og SV 5-10. NA 8-13 og snjókoma um tíma á morgun. Hiti 2 til 5 stig í fyrst annars vægt frost.