Reyna björgun á Gottlieb GK í dag
– Jarðýtur í fjörunni undirbúa að draga bátinn á land
Jarðýtur eru nú komnar ofan í fjöruna við Hópsnes þar sem Gottlieb GK 39 liggur á strandstað. Báturinn strandaði í hádeginu á miðvikudag þar sem hann varð vélarvana við Hópsnes á leið til hafnar í Grindavík.
Sigurður Stefánsson kafari er á strandstað og stjórnar aðgerðum en reyna á að draga bátinn upp á fjörukambinn eftir hádegið. Báturinn er það mikið skemmdur að hann verður ekki dreginn á flot.
Meðfylgjandi mynd var tekin á strandstað á miðvikudaginn. VF-mynd: Hilmar Bragi
Myndband frá vettvangi strandsins á miðvikudag hér að neðan:
