Reykurinn reyndist vera duft

Slökkvilið Brunavarna Suðurnesja var kallað að fjölbýlishúsi í Reykjanesbæ í gærkvöldi þar sem tilkynnt hafði verið um reyk sem virtist leggja frá húsinu.

Þegar slökkvilið kom að reyndist reykurinn hafa verð ský úr duftslökkvitæki, sem einhver aðili hafði tæmt úr í miðju samkvæmi í einni íbúðinni og var þar heldur óvistlegt um að litast.