Reykjavíkurlögreglan fylgir hjólaköppum um Hvalfjarðargöng

Nú er það komið á hreint að fjórmenningarnir í Hjólað til góðs, þar sem safnað er fjármunum fyrir langveik börn á Íslandi, munu hjóla í gegnum Hvalfjarðargöngin í stað þess að fjóla fyrir Hvalfjörðin. Lögreglan í Reykjavík æltar að tryggja öryggi þeirra í göngunum og fylgja þeim í gegnum fjörðinn.

Nú liggur fyrir að það mun bætast í hópinn á morgun. Hjörtur Zakaríasson, bæjarritari í Reykjanesbæ, hefur tekið áskorun þeirra og mun hjóla með þeim til Reykjanesbæjar. Það mun einnig leikarinn góðkunni, Pálmi Gestsson gera. Pálmi er faðir Gests, sem er einn af hjólaköppunum fjórum. Þá er einnig von á fleirum sem munu slást í hópinn á morgun.

Nú fara að vera síðustu forvöð að leggja verkefninu lið og bæta inn á söfnunarreikninginn við Sparisjóðinn í Keflavík. Heimildir okkar eru að söfnunin hafi gengið vel. Reikningurinn verður opinn fram á 17. júní en söfnunarféð verður afhent formlega á hátíðarhöldunum í Reykjanesbæ.