Reykjanesbær og Hjörring ekki lengur vinir
– hætta þátttöku í norrænu vinarbæjarsamstarfi
Vináttu Reykjanesbæjar og sveitarfélagsins Hjörring í Danmörku hefur verið hætt. Vinabæjasamskipti sveitarfélaganna hafa staðið áratugum saman en áður en Reykjanesbær varð til voru Keflavíkurbær og Hjörring í vinarbæjarsamstarfi.
Sveitarfélagið Hjörring hefur með tilkynningu hætt þátttöku í norrænu vinarbæjarsamstarfi. Bæjarstjóra Reykjanesbæjar hefur verið falið að þakka Hjörring fyrir vinabæjarsamstarfið á liðnum árum.
