Reykjanesbær eitt fárra sveitarfélaga með mótaða stefnu í barnaverndarmálum

Reykjanesbær getur státað sig af því að vera eitt fjögurra sveitarfélaga í landinu sem hafa mótað stefnu- og framkvæmdaáætlun í barnaverndarmálum. Íslenskt stjórnvöld hafa aldrei mótað stefnu í þessum málaflokki og segir Bragi Guðbrandsson, forstjóri Barnaverndarstofu það endurspegla áhugaleysi á málefnum barna. Þetta kemur fram í fréttum Ríkisútvarpsins í gær.

Í barnaverndarlögum frá árinu 2002 segir að Félagsmálaráðuneyti beri ábyrgð á stefnumótun í barnaverndarmálum. Þessu hefur ekki verið framfylgt samkvæmt frétt RÚV. Lögin kveða einnig á um að sveitarstjórnir skuli marka sér slíka stefnu og semja framkvæmdaáætlun um barnavernd. Af 31 sveitarfélagi hafa einungis fjögur mótað stefnu málaflokknum en það eru barnaverndarnefndir Mosfellsbæjar, Snæfellsbæjar, Þingeyinga og Reykjanesbæjar.