Reykjanesbæ gefin sýning Einars Garibaldi

Listasafni Reykjanesbæjar var í dag færð stórgjöf þegar listamaðurinn Einar Garibaldi Eiríksson færði safninu að fjöf sýningu sína, Reykjanes - blað 18, sem sett hefur verið upp í nýjum sýningarsal í DUUS-húsunum í Gróf. Sýning Einars Garibaldi er fyrsta sýningin í nýja salnum. Gjöfinni var fagnað með miklu lófaklappi sýningargesta.Góður rómur var gerður að sýningu listamannsins en listaverkin eru unnin uppúr Uppdrætti Íslands, korti Landmælinga og byggja verkin á sýningunni á skýringarmyndum og táknum á korti númer 18 - Reykjanesi.

Valgerður Guðmundsdóttir, menningarfulltrúi Reykjanesbæjar, veitti gjöf listamannsins viðtöku og færði honum myndarlegan blómvönd sem þakklætisvott. Sýningin ver opin nú um helgina og sjón er sögu ríkari.