Rekinn af útvarpsstöð vegna stöðugra símtala í klámlínur

Maðurinn sem var handtekinn á dögunum fyrir að eiga mikið barnaklám starfaði fyrir um áratug á útvarpsstöðinni Brosinu sem starfrækt var í Keflavík á sínum tíma. Maðurinn starfaði að mestu leyti á næturvöktum á útvarpsstöðinni ásamt öðrum manni. Maðurinn var rekinn vegna símreiknings sem hljóðaði upp á 100 þúsund krónur og viðurkenndi samstarfsmaður hans að símreikningurinn væri tilkominn vegna símtala í klámlínur sem hann hringdi látlaust í á nóttunni. Samkvæmt heimildum Víkurfrétta sóttist maðurinn eftir því að starfa á næturvöktum á útvarpsstöðinni.