Reis- Go kart:Áform um 1315 fm braut og 500 fm þjónustuhúsnæði

Reis- Go kart var opnað 8. júlí á síðasta ári að Njarðvíkurvegi 2. Síðan þá hafa miklar breytingar verið gerðar á brautinni og fleiri eru í bígerð. Í dag eru 34 bílar til útleigu en í maí voru þrír bílar keyptir inn frá Danmörku. Eigandi brautarinnar er Stefán Gunnarsson. Yfir 9000 manns hafa heimsótt svæðið, flestir af höfuðborgarsvæðinu.
Bílarnir frá Danmörku hafa reynst mjög vel og að sögn Ríkharðar Ibsen, markaðsstjóra eru viðskiptavinir mjög ánægðir með bílana. Nýju bílarnir eru 6,5 hestöfl (3.400-3.600 snúninga) sem er jafnmikið og hinir eldri og ná 70 km hraða. Bílunum er hægt að breyta þannig að þeir henti börnum. Einnig er hægt að fá leigða svokallaða bo-kart torfærubíla. Sérstök torfærubraut er sett upp fyrir þess tegund bíla fyrir hverja vertíð og hafa þessir bílar vakið mikla lukku meðal viðskiptavina. Þá hefur sú hugmynd komið upp hvort eigi að leigja út kraftmeiri bíla í takt við einkakörturnar. Þ.e. 125 kúbika tvígengis körtur sem eru 25–32 hestöfl, (15.000-18.000 snúninga) ýmist loftkældar eða vatnskældar, og geta ná allt að 180km hraða (110km í brautinni). En sú hugmynd er enn á byrjunarstigi og bíður betri tíma.
Brautin er í dag 600m að lengt og 8m að breytt en stefnt er að því að hún verði 1315m árið 2004 og uppfylli alla alþjóðalega staðla varðandi keppniskröfur. Brautin er byggð með hliðsjón af einni af vinsælustu braut í Englandi en hana sækja u.þ.b. 160.000 gestir á ári hverju. Ljósastaurum hefur verið komið upp við brautina sem gerir það kleift að lengja opnunartíma brautarinnar. Þá eru uppi áform um að bæta alla aðstöðu til muna. Í næstu mánuði er gert ráð fyrir að 140 fm þjónustuhúsnæði rísi í stað 45 fm húsnæðisins sem nú er í notkun. Þá er stefnt að því að reisa 500 fm þjónustuhúsnæði fyir lok 2003. Þar er gert ráð fyrir 300 fm veitingaaðstöðu og 200 fm viðhalds- og geymsluhúsnæði.
Hjá Reis- Go kart er öruggi viðskiptavinanna mikilvægasti þátturinn í rekstinum. Hver og einn fær sérstakan galla, hanska og hjálm áður en hann heldur út á brautina. Í bígerð er að hafa til taks sérstaka regngalla. Að sögn Stefáns verður upplifunin að vera fullkomin þegar á brautina er komið.