Reiðhöll Brimfaxa komin vel á veg

Framkvæmdir við nýja reiðhöll hestamannafélagsins Brimfaxa í Hópsheiði við Grindavík eru komnar vel á veg. Þær hófust í febrúar og er nú búið að loka húsinu og hafist handa við að innviði hússins, m.a. að stúka af salernin og huga að efni sem á að nota á gólfið.

Samkvæmt samkomulagi Grindavíkurbæjar og Brimfaxa leggur bærinn 50 milljónir króna til byggingar reiðhallarinnar. Þessi nýja höll mun bylta starfsemi Brimfaxa. Verktaki er HH smíði.