Rauði krossinn á Suðurnesjum styður Velferðarsjóðinn

Rauði krossinn á Suðurnesjum afhenti í dag Velferðarsjóði Suðurnesja framlag upp á 600.000 krónur. Guðbjörg Sigurðardóttir, formaður Rauða krossins á Suðurnesjum, afhenti framlagið en Þórunn Íris Þórisdóttir, rekstrarstjóri Keflavíkurkirkju, veitti framlaginu viðtöku.

Velferðarsjóður Suðurnesja hefur gegnt veigamiklu hlutverki í jólamánuðinum en sjóðurinn hefur stutt við fjölskyldur og einstaklinga sem hafa lítil fjárráð. Markmið sjóðsins eru þau að veita neyðaraðstoð umfram það sem Hjálparstarf kirkjunnar veitir í innanlandsaðstoð sinni.

Hér má kynna sér reglur Velferðarsjóðs Suðurnesja