Rannsókn lokið á barnsláti á Heilbrigðisstofnun Suðurnesja

Rannsókn lögreglu á andláti barns í fæðingu á Heilbrigðisstofnun Suðurnesja þar sem grunur lék á að læknamistök hefðu átt sér stað er lokið.  Settur landlæknir skilaði álitsgerð og viðbót við hana fyrr í þessum mánuði um atvikið og þá hefur lögreglan í Keflavík yfirheyrt alla sem hlut áttu að máli. Niðurstöður rannsóknar lögreglunnar í Keflavík hafa verið sendar sýslumanninum í Keflavík þar sem ákvörðun verður tekin um hvort farið verður fram á frekari rannsókn, skýrslan send saksóknara eða málið niður fellt, en frá þessu er greint á ruv.is.