Rándýrum tækjum stolið

Lögreglunni á Suðurnesjum barst í gærmorgun tilkynning um innbrot í fyrirtækjahótelið Eldvörp í Reykjanesbæ. Innbrotsþjófurinn er talinn hafa notað kúbein og sporðjárn við verknaðinn. Búið var að spenna upp glugga til að komast inn í þrjú fyrirtæki sem eru í byggingunni. Úr einu þeirra hafði verið stolið ljósmyndabúnaði að verðmæti um 400 þúsund krónur.

Úr öðru fyrirtæki var stolið Canon myndavél og linsu. Lögreglan biður þá sem upplýsingar geta gefið upplýsingar um grunsamlegar mannaferðir við bygginguna í fyrrinótt að hafa samband í síma 420-1800.