Rándýr hraðakstur

Erlendur ferðamaður sem var á hraðferð í umdæmi Lögreglunnar á Suðurnesjum um helgina þurfti að greiða 112.500 krónur í sekt, þar sem hann ók á 175 km hraða eftir Reykjanesbrautinni, þar sem hámarkshraði er 90 km á klukkustund. Auk hans hefur Lögreglan á Suðurnesjum kært 35 ökumenn fyrir hraðakstur á síðustu dögum og áttu langflest brotin sér stað á Reykjanesbrautinni. Í mörgum tilvikum, eða þrettán, var um að ræða erlenda ferðamenn sem stigu of fast á bensíngjöfina.