Rafhleðslustöð við Íþróttamiðstöðina í Garði

Bæjarráð Sveitarfélagsins Garðs hefur ákveðið að hleðslustöð fyrir rafbíla verði sett upp við Íþróttamiðstöðina í bænum. Áætlaður kostnaður við uppsetninguna er 250.000 krónur.

Hleðslustöðin var gjöf frá Orkusölunni sem undanfarna mánuði hefur fært öllum sveitarfélögum landsins slíka stöð að gjöf. Verkefnið kallast „Rafbraut um Ísland“.