Rafbylgjur skaða heilsu og valda húsasótt í Grindavík

Jón Borgarsson í Höfnum þekkja flestir Suðurnesjamenn. Hann hefur í áratugi útbúið sérstaka prjóna sem notaðir eru við rafbylgjumælingar í hýbílum manna. Sjálfur segist hann lítið kunna fyrir sér í mælingunum og að beita prjónunum. Hann hafi hins vegar komist að því að heimili sitt í Höfnum var verulega sýkt af húsasótt af völdum rafmagns og þá hafi meðal annars myglusveppur gert vart við sig. Fyrir tæpum áratug kynntist Jón síðan tækni sem Garðar Bergendal beitir til að koma upp vörnum gegn rafbylgjum. Jón fullyrðir að árangur af aðgerðum Garðars á hús sitt hafi strax gætt og myglusveppurinn hafi drepist á innan við mánuði.


Rafbylgjur úr jörð ógna heilsu Grindvíkinga

Garðar Bergendal var við rafbylgjumælingar á Suðurnesjum í dag. Hann hefur fengið talsvert af verkefnum m.a. í Grindavík, sem hann segir vera magnaðan stað þegar kemur að rafbylgjum úr jörðu. Þeir sem til þekkja vita að byggðin í Grindavík er að hluta til yfir miklu sprungusvæði. Upp um þessar sprungur kemur mikið af jarðrafmagni og gasi. „Rafbylgjurnar eru allt í kringum okkur. Sýnilegustu dæmin eru að rykló safnast fyrir í húsum en bylgjurnar valda einnig svefntruflunum hjá fólki, ásamt því að valda ýmsum kvillum hjá fólki og dýrum“, segir Garðar. Til eru þeir sem finna ekkert fyrir þessu á sama tíma og aðrir eru mjög næmir og finna mun á sér á milli húsa.

Umpóla tengla og koma fyrir rafbylgjutæki

Garðar segir að besta leiðin til að koma í veg fyrir þetta vandamál sé að umpóla tenglum í húsum og koma fyrir rafbylgjutæki í jörðu sem stöðvar neikvæðar bylgjur. Rafbylgjutækinu er komið fyrir í holu úti á lóð hússins. Rafbylgjum sem hafa neikvæð áhrif er í raun snúið við og til að einfalda lýsinguna á aðgerðinni  má segja að rafbylgjutækið myndi nokkurs konar verndarhjúp um húsið og nánasta umhverfi þess, þar sem rafmagnið hefur verið að hlaðast upp. Virknin er í nokkurra tuga metra radíus umhverfis hylkið með rafbylgjutækinu og virkni rafbylgjutækisins varir árum og áratugum saman.

Rafbylgjutækið drepur myglusvepp

Garðar byrjaði árið 2000 að mæla rafbylgjur úr jörðu og rafbylgjur sem koma úr tenglum, tölvum, GSM símum, og ljósum. Garðar segir allar þessar bylgjur hafa áhrif á fólk og skepnur og geta valdið ýmsum kvillum svo sem, mígreni, höfuðverk, síþreytu, svefntruflunum, vöðvabólgu, exemi, þurrk í húð vegna vinnu við tölvur, fótaverkjum og liðkasti í mjöðm. Þá hefur Garðar nokkur dæmi þess að myglusveppur sem hafði myndast í híbýlum manna hafi horfið með öllu eftir að rafbylgjutækinu var komið fyrir utan við húsið yfir meginupptökum jarðrafmagns.

Blár á móti bláum, brúnn á móti brúnum

Mikilvæg aðgerð er að yfirfara allar innstungur í viðkomandi húsi og gæta þess að klær séu rétt settar í innstungur. Með einföldum mælingum er klóin og innstungan mæld. Kúnstin er nefnilega sú með innstungur að blár vír í innstungu þarf að hitta fyrir bláan vír á kló og það sama þarf að gerast með brúna vírinn. Fari vírarnir langt saman, þ.e. blár á brúnan og öfugt, fer rafmagn að leka út úr innstungunni sem síðan hleðst upp í íbúðinni. Vírarnir eru hins vegar ekki sýnilegir fólki og því eru klær og innstungur merktar með litlum punkti til að tryggja að þeim sé stungið saman rétt til framtíðar. Það væri því rökréttara að vera með klær eins og þekkjast í t.a.m. Bretlandi og Bandaríkjunum með þremur pinnum sem aðeins er hægt að stinga í samband á einn veg. Þá eru svokallaðar „sparperur“ algjört eitur í augum þeirra sem vinna gegn rafmagnmengun í húsum. Í kringum þær myndast mikið rafsegulsvið. Þá eru jarðtengingar við vatnslagnir skoðaðar.


Gríðarlegt uppstreymi jarðrafmagns í Grindavík

Eins og áður sagði var Garðar í Grindavík í dag að gera mælingar á uppstreymi jarðrafmagns og sagðist aldrei áður á sínum ferli hafa kynnst eins mögnuðu uppstreymi rafmagns og í Grindavík. Hann hafi þegar komið fyrir rafbylgjutæki í einum húsgarði við þá götu sem mælingar fóru fram í dag. Í dag var öðru tæki komið fyrir við annað hús í sömu götu. Árangurinn kom strax fram í mælingum og mælirinn sem fyrir niðursetningu tækisins hafði verið „rauðglóandi“ ef nota má þá lýsingu varð „dauður“.

Garðar hafði á orði að hann hefði sterkan grun um að íbúar í fleiri húsum við götuna og nálægum götum hljóti að finna fyrir óútskýrðum óþægindum, svo mikil væri uppspretta jarðrafmagns á þessum slóðum sem væri að hlaðast upp í húsunum. Um væri að kenna sprungukerfi undir byggðinni í Grindavík sem liggur í úr suðvestri í norðaustur. Rafmagnið myndast júpt í iðrum jarðar í jarðeldum og streymir upp um þessar sprungur og hleðst upp í húsum sem byggð eru ofan á uppsprettum þess.


Fjarskiptastöðin hefur áhrif á heilsu Grindvíkinga

Þá væri rafmengun frá fjarskiptastöð Bandaríkjahers við Grindavík, þar sem möstur gnæfa hundruð metra til himins, að hafa að sögn Garðars mikil áhrif á íbúa Grindavíkur. Garðar sagði að Varnarliðið hafi á sínum tíma leitað til sín vegna rafbylgjumengunar frá fjarskiptastöðinni en málið hafi strandað á viðurkenningu á mælitækjum.

Garðar segir svæsna rafbylgjumengun geta verið krabbameinsvaldandi og það sé til mikils að vinna að koma menguninni út úr húsum. Það sé gert með því að yfirfara tengla í húsum og klær á raftækjum, losa heimilið við „sparperur“ og síðast en ekki síst að koma fyrir rafbylgjutækinu í húsgarðinum sem virkar strax og myndar „verndarhjúp“ um húsið og beinir óæskilegum rafbylgjum frá húsinu og kemur í veg fyrir upphleðslu rafmagns í híbýlum.


Erfitt að sannfæra fólk í fyrstu

Þeir Garðar Bergendal og Jón Borgarsson eru sammála um það að erfitt sé í fyrstu að sannfæra fólk um ágæti aðferðarinnar sem sé beitt. Rafbylgjumengunin sé í raun ósýnileg. Hún verði hins vegar sýnileg þegar fólk taki eftir því að rykló fer að safnast upp á ákveðnum stöðum í húsum.  Þeir félagar hafa hins vegar fjölmarga vitnisburði um heilsufarslega bót. Þá megi fljótt finna lyktina af breytingunum. Þannig megi oft finna í gömlum húsum lykt sem nefnd hefur verið raka- eða saggalykt. Eftir að rafbylgjutækið hefur verið sett niður við húsið þá megi finna skjóta breytingu þar sem lyktin minnkar eða hverfur fljótt.


Þeir sem vilja kynna sér málið betur og fá rafbylgjumælingar og varnir gegn rafbylgjum geta haft samband við Garðar Bergendal í símum 581 1564 eða 892 3341. Einnig má lesa um mælingarnar og varnirnar á vefnum www.gardar.info

Myndir:

Efsta myndin sýnir Garðar koma fyrir rafbylgjutækinu í jörð við húsið í Grinavík. Þá má sjá Garðar ganga um með prjónana góðu sem vísa á jarðrafmagnsuppstreymi.