Ráðstefna um starfsmenntun í Eldborg
Ráðstefna um starfsmenntun hefst nk. fimmtudag í Eldborg í Svartsengi. Búist er við að milli 30-40 gestir frá Portúgal og Danmörku sitji ráðstefnuna auk sveitarstjórnarmanna og annarra ráðamanna frá Íslandi.Ráðstefnan er liður í samstarfsverkefni á vegum Evrópusambandsins, sem hefur verið nefnd Leonardo da Vinci áætlunin. Á ráðstefnunni munu þátttökuþjóðirnar kynna afrakstur þriggja ára vinnu og meta hann en Markaðs- og atvinnumálaskrifstofa Reykjanesbæjar og Fjölbrautaskóli Suðurnesja hafa borið hita og þunga þess sem verkefnisstjórar. Sú þekking sem aflað hefur verið á þessu sviði, verður gefin út sem alþjóðleg handbók á rafrænu formi. Vonast er til að handbókin muni nýtast tilteknum landssvæðum til að efla starfsmenntun og auka samtvinnun atvinnulífs og menntunar.
