Ráðinn í tímabundið starf skólastjóra í Garði

Í samráði við fræðslustjóra Fræðsluskrifstofu Reykjanesbæjar, formann skólanefndar Garðs og meirihluta bæjarstjórnar hefur bæjarstjóri ákveðið að ráða Þorkel Ingimarsson í tímabundið starf skólastjóra Gerðaskóla, til loka skólaársins 2011-2012.

Þorkell hefur langa reynslu sem kennari og skólastjóri, m.a. við Héraðs- og grunnskólann á Reykjanesi við Ísafjarðardjúp á árunum 1989-1991, Grunnskólann í Lundi 1997-2000, og skólastjóri við Húnavallaskóla 2001-2011. Þorkell lauk B.Ed námi frá Kennaraháskóla Íslands árið 1980 og Dipl. Ed prófi í uppeldis- og menntunarfræðum við framhaldsdeild Kennaraháskóla Íslands með áherslu á stjórnun menntastofnana 2007.